«Արարատ» առողջարանում, ի թիվս արտերկրից եկած այլ հյուրերի, այս օրերին հանգստանում է ՌԴ գրողների միության անդամ, ՌԴ վաստակավոր բժիշկ Անատոլի Եգինը: Առողջարանի ադմինիստրացիան բաց չթողեց այս հիանալի հնարավորությունը՝ օրերս կազմակերպելով գրական երեկո: Անատոլի Եգինը հայ ժողովրդի բարեկամներից է, ունի Հայոց եղեռնին նվիրված գիրք: Երեկոյի ընթացքում Ա.Եգինը պատասխանեց իրեն ուղղված հարցերին և խոսեց իր երկու ստեղծագործությունների մասին՝ «Դուդուկի երգը» և «Աշխարհազորայինները»... Երեկոյի վերջում գրողն իր գրքերից նվիրեց ներկաներին: «Արարատ» առողջարանի հյուրերը անցկացրեցին ևս մեկ բովանդակալից օր:

Օրերս «Արարատ» առողջարանի հանգստացողներն այցելեցին Հայաստանի Ազգային պատկերասրահի Ջերմուկի մասնաճյուղ: Կտավներին ու  քանդակներին ծանոթանալուց և զբոսավարի մեկնաբանությունները լսելուց  հետո նրանք ներկա եղան գրական-երաժշտական համերգին: Միջոցառումը նախաձեռնել էր «Արարատ» առողջարանի անիմատոր Արմինե Կիրակոսյանը, հենց նա էլ բացեց համերգը՝ հայ մեծանուն բանաստեղծների (Պարույր Սևակ, Համո Սահյան, Եղիշե Չարենց, Ալիսիա Կիրակոսյան) մի քանի ստեղծագործությունների տպավորիչ կատարմամբ: